နဂါးငွေ့တန်း ဗဟိုချက်အနီးမှ သိပ်သည်းဆအလွန်များတဲ့ ဧရာမတိမ်စိုင်ကြီး Sagittarius B2 ထဲမှာ အီသိုင်းအယ်ကိုဟော (ethanol) အများအပြား ပါဝင်နေပါတယ်။ အဲဒီတိမ်စိုင်ကြီးဟာ နေစကြဝဠာထက် အဆပေါင်း ၁၀၀၀ ကြီးမားပြီး တိမ်စိုင်ထဲမှာ စုဝေးနေတဲ့ ethanol ကနေ ဘီယာချက်မယ်ဆိုရင် ဘီယာပိုင့် ထရီလျံပေါင်း ၄၀၀ ထရီလျံအထိ ချက်နိုင်မယ်လို့ တွက်ဆထားကြပါတယ်။
ဒါပေမဲ့ အာကာသထဲမှ အီသိုင်းအယ်ကိုဟောဟာ အဆိပ်ရှိတဲ့ ဒြပ်တွေ ပေါင်းစပ်ပါဝင်နေတာကြောင့် သောက်သုံးလို့ရတဲ့ အခြေအနေတော့ မရှိပါဘူး။
အာကာသထဲမှ မော်လီကျူးတွေကို ခွဲခြားဖော်ထုတ်နိုင်တာဟာ ကြယ်တာရာတွေရဲ့ ဓာတ်သဘောကို အတွင်းကျကျ သိခွင့်ရတာဖြစ်ပြီး အခြားဂြိုဟ်တွေမှာ သက်ရှိတွေ ရှိနေနိုင်သလားဆိုတဲ့ မေးခွန်းကို အဖြေရှာဖို့လည်း အထောက်အပံ့ ဖြစ်စေနိုင်ပါတယ်။
