ပျိုမေတို့အတွက် ရုံးဆိုတာ ကိုယ့်ရဲ့ တစ်နေ့တာကို ဖြတ်သန်းနေရတဲ့ လုပ်ငန်းခွင်နေရာတစ်ခုဆို မမှားပါဘူး။ နေ့စဉ် ရုံးသွားတဲ့အခါ ဖက်ရှင်ကျကျ ဖြစ်နေဖို့လည်း အရေးကြီးပါတယ်။ အဲဒီလို စမတ်ကျနေစေဖို့ တစ်နေ့ တစ်မျိုး မရိုးရအောင် ဝတ်ဆင်တတ်ဖို့လည်း လိုပါတယ်။
တစ်နေ့တစ်နေ့ ဒီပုံစံကိုပဲ ထပ်နေအောင် ဝတ်နေတာက သင့်ကို မလန်းဆန်းစေတာမျိုး ဖြစ်စေနိုင်ပါတယ်။
ကိုယ့်ရဲ့ဝတ်စားပုံက အမြဲတမ်း ပုံစံတူပြီး ရိုးရိုးကြီးဖြစ်နေပြီဆိုရင်တော့ အခုလို စမတ်ကျပြီး လန်းဆန်းစေမယ့် ဖက်ရှင်တွေကို ပြောင်းလဲသင့်ပါတယ်နော်။
ပုံစံ (၁) Suit
အမျိုးသမီးဝတ် suit တွေကလည်း အခုဆို ချစ်စရာဖက်ရှင်လေးတွေ အဖြစ် ပြောင်းလဲနေပါပြီ။ blouse အပျော့လေးတွေ အတွင်းမှာ ခံဝတ်ပြီး ကုတ်အင်္ကျီလေး ထပ်ဝတ်ပြီး လှနေနိုင်ပါတယ်နော်။
ပုံစံ (၂) Dresses
အခုလို အပေါ်အောက် တဆက်တည်း အဝတ်တွေက ကိုယ့်ရဲ့ အဝတ်စားရွေးရတဲ့အချိန်ကိုလည်း သက်သာစေပါတယ်။ ဒါ့အပြင် ပေါ့ပေါ့ပါးပါးနဲ့ စတိုင်ကျပြီး လှစေပါတယ်။
ပုံစံ (၃) ဘလောက်စ်နဲ့စကတ်
ဘလောက်စ်အင်္ကျီအမျိုးမျိုးကို စကတ်ဒီဇိုင်းအမျိုးမျိုးနဲ့ တွဲဖက် ဝတ်ဆင်တာကလည်း သင့်ကို ယုံကြည်မှုတွေ ပိုတိုးစေနိုင်ပါတယ်နော်။
ပုံစံ (၄) ဂျင်းဘောင်းဘီ
ဂျင်းဘောင်းဘီက ခေတ်မရွေးတဲ့ ဖက်ရှင်တစ်ခု ဖြစ်ပါတယ်။ ဂျင်းက လူငယ်ဆန်တာမို့ ရုံးနဲ့ မလိုက်ဖက်ဘူးလို့ ထင်ရပေမယ့် အခုလိုမျိုး ဝတ်ရင်တော့ လိုက်ဖက်နေတာပါပဲ။
