အသက် ၂၈ နှစ်အရွယ် ပင့်ကူလူသားအဖြစ် သိကြတဲ့ မင်းသားတွမ်ဟော်လန်ဟာ ၂၀၂၂ ခုနှစ်က အရက်သောက်ခြင်းကို စွန့်လွှတ်ခဲ့တာပါ။ ဘားတွေသွားရင် အရက်မပါတဲ့ဖျော်ရည်ကိုပဲ မှာယူခဲ့ရပါတယ်။ ဒါကြောင့်ပဲ ဘားတွေသွားရင် အသောက်သမားမဟုတ်တဲ့သူတွေကို အကူအညီဖြစ်စေဖို့ Bero လို့ခေါ်တဲ့ သူ့ရဲ့ကိုယ်ပိုင်ဘီယာအမှတ်တံဆိပ်ကို ထုတ်လုပ်ဖြစ်ခဲ့ပါတယ်။
ဒီဘီယာအမှတ်တံဆိပ်ဟာဆိုရင် အမေရိကန်မှာ IPA Beer၊ Wheat Beer နဲ့ Pilsner Beer ဆိုပြီး ထုတ်ကုန် ၃ မျိုးထွက်ရှိပါတယ်။ ဗြိတိန်မှာတော့ အခုလ မိတ်ဆက်မှာဖြစ်ပါတယ်။ သူ့ကို အမှတ်တံဆိပ်တော်တော်များများက နှစ်တော်တော်ကြာ ကမ်းလှမ်းခံတာရှိပေမဲ့ သူက သူ စိတ်ပါဝင်စားတဲ့ ပရောဂျက်တစ်ခုမှာပဲ အချိန်ပေးချင်ခဲ့တာလို့ တွမ်ဟော်လန်က ဆိုထားပါတယ်။
